21 Jul 2017

Police Don Arrest 16 Year Old Girl With Three Gun For Nasarawa

Police don arrest one sixteen years old girl wey dey find work for inside Nasarawa sate, wey dem dey call Esther Yabuku , because dem see her with gun.

Them dey suspect say the gun na her boyfriend own and she talk say her boyfriend name na Manu John and hin be 25 years. The boyfriend still dem still dey find am.

Yakubu say she meet john last week Monday for Jos for inside Plateau state and she say the boyfriend promise to help am to hustle for work.

She say the next day this her boyfriend kon call her make she come hin house so that two of them go follow go Abuja together.

She still talk say na while she dey the boyfriend room for Mararaba area na there police just burst enter  the house begin dey search only for them to find three gun wey pesin hide for ceiling and na so them take arrest her.

The tori pipu wey dey there for the arrest talk say the Police Public Relations Officer (PPRO), Kennedy Idirisu, talk say dem arrest the suspect , ontop informat wey reach them.

Leave a Reply

Your email address will not be published. Required fields are marked *

%d bloggers like this: