28 Jul 2017

Wetin dey happen? area boys just go rape and kill small pikin for her mama and papa house

Some area boys just break enter Mr and Mrs Orakwue house kon rape and kill their 14-years-old daughter for inside Lagos.

The small girl wey dem kill so, dey her papa and mama house for Abule Ado wey the area boys so kon jump fence enter their house do that kind badness to that small pikin wey dem say dey Jss2.

Tori kon carry am say the girl mama just get call for her office from her neighbors o! say them see some boys dey jump fence comot from their compound. The mama of the girl kon talk say her neighbors tell her say them try to knock the door make them check whether the small girl dey okay; because them be no like the way biys take jump comot from the house. when them reach there, them knock tire but nobody answer the door na that one make the neighbors call the small girl mama.

According to the mama, she say she sharp sharp run go house make she go see wetin dey happen, but when she reach her open door, she kon see her pikin for ground dey struggle to breath and blood dey comot from her private part. She kon ask her pikin say who do that kind badness to her but the only thing wey she fit talk na say na the boys wey she tell about before wey try harass her.

The mama talk say the reason wey make her neighbors no fit open the door na because say she lock the door from inside the house, how the boys take enter the house she no sabi. But she immediately carry the case go meet police but she say but them never still fit do any better thing since then.

The girl papa talk say the girl so na small pikin and she just dey try wan enter JSS3 for the new session wey wan resume so. He say the only reason wey make the small girl dey house alone na because the other children go Lekki go do holiday with their uncle. Them tell her make she follow them but she talk say she wan stay house so that she fit do work for house na why dem allow her stay.

When them contact the talk-talk person for Lagos State Police Command, Olarinde Famous-Cole, him say he go get back to them with full tori of wetin happen say he dey try get for informate from the DPO.

God go help us o.

 

Leave a Reply

Your email address will not be published. Required fields are marked *

%d bloggers like this: