04 Aug 2017

Fake doctor go put HIV blood for small pikin for Nasarawa


Nasarawa State Command of the Nigerian Security and Civil Defence Corps don arrest one fake doctor for Nasarawa, wey put blood wey get HIV for inside one 6-years-old pikin (NSCDC).

Tori still talk am say the 30-years-old Jonathan Ibrahim just carry blood put for the small pikin body wey hin no screen and now the small pikin don dey sick. The pikin mama, Dorcas Alaku talk say her pkin health don dey go down , her pkin dey sick anyhow, so she kon carry her pikin go do test and she kon find out say her pikin don get HIV and the pikin groin don swell. She kon talk say the person blood wey them put for her pikin get wetin oyibo dey call chronic hernia and HIV.

The state Commandant, Bashir-Kano talk say them dey investigate the man since and them find out say theman and hin wife get HIV. On July 17 NSCDC for Nasarawa state kon arrest the guy beause complains kon reach the police, even the small pikin mama.

The man later confess say even the clinic wey hin dey do sef na illegal and hin too put blood wey get HIV for the small pikin and three other people sef.


Leave a Reply

Your email address will not be published. Required fields are marked *

%d bloggers like this: