22 Aug 2017

Fayose You Must Resign Or You Go Kill Yourself?

Una still remember  wetin  Fayose Ekiti  state governor talk about wetin hin go do to himself if oga presido come back to naija, wey hin talk say if oga presido come back naija say hin go kill hin self

Tori carry am say, as the people wey dey live for Ekiti hear say oga presido don land for Naija, all of dem kon enter street o to celebrate am, dem come even use that opportunity protest against Fayose  and the statement wey hin talk say hin get 11 pictures with am to show say oga presido dey live on life support.

The people of Ekiti state no like everything wey their governor Fayose dey talk about president buhari and dey kom talk say make Fayose show all the pictures wey hin talk say hin get or make hin resign; all the people wey dey protest na  people wey dey support APC, civil society group, artisans, and people wey dey ride okada. The protest matter kom make the area rough  wey be say cars no fit pass again

APC chairman for Ekiti wey her name be Kemi Olaleye talk as she dey address those peole wey dey protest say papa God don shame those people  wey dey wish say make oga presido die; she follow talk say make Ekiti governor kom do wetin hin be talk before say hin go do if oga presido fit come wey be say hin go kill himself; she talk say as dem don do the rally now, Fayose reign don end for Ekiti state

Tori talk say, Kemi Olaleye say why Fayose no fit do like governor of Rivers state Mr. Nyesom Wike wey go Abuja to go welcome oga presido back to we country; say that one wey Rivers state governor do na wetin  we dey call maturity say as for her and Ekiti state people o dem de oga presido back gidigba even after 2019 dem go still dey support am; she kom beg Nigerians say make dem no follow wetin fayose talk o say all those things wey hin dey talk na for himself  alone  say hin no talk for dem ; she even say everybody w ey dey Ekiti don tire for Fayose say na ‘one day, one wahala’



Leave a Reply

Your email address will not be published. Required fields are marked *

%d bloggers like this: