23 Aug 2017

Cheap Rice For Lagos State

Tori carry today say our governor for Lagos State talk say him go start to dey sell the Lake Rice wey dem don introduce before for December 21,2016, say the reason why dem won start to dey sell am na because of the Eid-el-kabir wey dey come

Tori talk say, Mr Oluwatoyin Suarau wey be the commissioner of Agriculture for Lagos state talk say dem go start to dey sell the rice for different places in the state; say Governor Ambode don approve  make  the rice dey available for the 57 Local Government and Local Council Development areas and the Agricultural Development area complex for Oko-oba, Agege; say dem go sell the rice for LTV blue Roof Complex, Agidingbi, Ikeja, and other centres for the state wey him don approve

State Commission talk say the rice price go still remain the same price wey dem bin sell am for December; say 50kg go be N12,000, 25kg go be N6,000, and 10kg go be N2,500. Him kom follow talk say the reason why we government dey do all this things na  because dem won make food  security dey every where for the state

 

Leave a Reply

Your email address will not be published. Required fields are marked *

%d bloggers like this: