24 Aug 2017

One Inspector Shoot Him Superior Die On Top Bribe Money Matter

Tori carry am say one police inspector for ondo state shoot him oga wey dey superior to am  and kom kill himself after the oga don die this happen when dem dey argue on top one bribe money wey be over N100,000, the matter happen for kajola police station in odigbo local government area ,ondo state.

Tori talk say the name of the inspector na Abraham Arowogun and him get serious  argument with him superior, wey him name na Timothy Arueli the Division Crime Officer DCO; the superior ask the inspector about the bribe money wey him collect on top one case investigation matter and that one kom cause argument wey make the inspector vex go carry gun kom shoot the superior die

Dem talk say after wey the inspector don shoot the superior die; he kom go  jump inside well wey dey the command as him sense don come back and him don come see  say him don do wetin government no go forgive am for

The rest of the police wey dey there run for their lives when dem see wetin don happen. The state Police Public Relation Officer wey him name na Femi Joseph talk say the incident dey very unfortunate and dem don start to dey investigate the matter


Leave a Reply

Your email address will not be published. Required fields are marked *

%d bloggers like this: