30 Aug 2017

Evans Go Face Judgement For Lagos High Court Today

Una still remember the case of Evans wey him real name na Chukwudumeme Onwuamadike Wey police dem bin arrest because say him dey kidnap people for money, the matter still dey court

Tori talk say him go appear again for court in Ikeja Division of lagos state high court, say the person wey go judge the matter na justice Hakeem Oshodi; say him don dey inside police custody since june 10 when dem bin arrest am and him go face the the charges of armed robbery, kidnapping and murder

Tori talk say Federal High Court for lagos no fit give judgement concerning the N300m fundermental rights enforcement suit wey Evans filed against police people, justice Abdulaziz Anka don already talk say him go give judgement on top the matter but as one lawyer to the inspector General of police and the Nigeria Police Force, wey him na David Igbodo appear for the court for fisrt time as him just dey hear the matter him talk say him don already file counter affidavit  before the court

Igbodo commissional of police ( legal section) Say e no go  good if dem judge the matter without hearing their own side say the case dey very controversial and e kom  dey sensitive; say the inspector general of police don give more time, efforts, intelligence and strategies on to say make dem arrest Evans since wey him don dey escape for the past six years, say when dem just arrest am sef , na a lot of time police dem spend on top say dem dey investigate the matter and  say very soon Nigerians dey wait for government make dem judge the matter well

Tori even talk say Igbodo don dismiss wetin the police talk say dem no have the authority to detain Evans; him talk say dem don get a remand from a federal court say make dem hold the suspect for their custody for three months



Leave a Reply

Your email address will not be published. Required fields are marked *

%d bloggers like this: