30 Aug 2017

RRS Officers Rescue One 16-Years-Old Boy For Ojodu Berger

Tori talk say RRS officers rescue one 16 years-old boy wey him name  na Ese Akiri ,dem see am as him  just dey waka everywhere around Ojodu Berger, Lagos.

Tori talk say the boy dey live for No. 3 Odinabel  Street, Orerokpe, Okpe Local Government for Delta State; the boy talk say him get problem with him parent and kom decide say make him follow him friend waka wey him name na Adekunle  Adewale, say him bin meet the friend for one football field wey dey Orerokpe to Lagos ; say when dem reach Ojodu-Berger from Orerokpe, him  friend tell am  make him wait for am, say him won go meet him mama collect money wey go carry dem back to Orerokpe  but  him no come back to pick  am

Tori talk say the boy dey SSS 2B for Orerokpe Secondary School and him father wey be Akiri Isaac na daily contribution collector him be while the mother get shop where she dey sell provision say make anybody wey get the parents numbers  tell dem say make dem come RRS Headquarters for Alausa Secretariat to pick their pikin or make dem call these numbers; 09053950347, 08081700099



Leave a Reply

Your email address will not be published. Required fields are marked *

%d bloggers like this: