18 Sep 2017

Mr Eazi Don Clear The Matter On Top Wetin Him Talk About The $6000

Mr Eazi don kom talk more on top the matter wey still dey make people  talk out their mind say mr Eazi dey lie on top  the matter wey him talk say him reject job of $6000 per month

Naija people don really talk to am say why him go talk say Naija artist dey use him sound  wey him don first bring out and say him talk say him reject the $6000 per month job offer for Schlumberger

Mr Eazi talk say no be say him don start work for the place that time say him just dey as intern and when dem offer am the money say make him stay, him reject am on to  say him wan face him career say na wetin him decide to do be that

Him talk say no be say him wan insult any Nigerian artist but say people no fit deny say him don bring new vibe enter the industry and him believe say everybody fit see am; say many Naija artist don dey use Ghanaian words and melodies for their songs and dey never reach Ghana before and say na after him songs don start to dey popular many artist kom dey use those words and style wey use for him songs

 

Leave a Reply

Your email address will not be published. Required fields are marked *

%d bloggers like this: