19 Sep 2017

Court Say Make IPOB Members Wey Kill One Police Man Remain For Prison

Tori talk say soldiers bin arrest some of the suspects along Isiala Ngwa road. Meanwhile seven others na police arrest dem say dem attack and burn Police station for Ariaria Aba, South East, Nigeria.

the suspects say dem no dey guilty for court.

This one  happen after Bukola Saraki , wey be Senate President for Nigeria, don criticise the declaration by the country military say IPOB, na terrorist organisation.

him even talk say the ban wey South East governors put for IPOB no follow due process.

“Our laws dey clear for this kind matter and if you no follow due process dat declaration no go get head. I dey sure say Oga Presido go do wetin him suppose do by following the right process.”

The Senate President believe say “initiating the right process” go go a long way to show the  world say, Nigeria “na country wey dey operate by laid down process for every circumstance.”

Saraki say the National Assembly go investigate the crisis for south-east, him tell Nigerians say make dem find the right solution to the crisis instead of make am worse.

Faruq Abbas, wey bi lawyer, bin talk say  na only court fit decide whether the group na terrorist or not.






Leave a Reply

Your email address will not be published. Required fields are marked *

%d bloggers like this: