As part of efforts to make sure say water no pass garri and make we no close mouth for wetin we dey see and hear for our obodo naija universities, watch as we take analyse dis mata wey happen for one of Naija’s foremost tertiary institution, Obafemi Awolowo University Ile-Ife
OAU, Ile-Ife dey face mata wey one of their lecturer and Professor wan sleep with female Post Graduate student for pass mark. Di girl talk say ”di lecturer dey disturb am say im wan follow am sleep, or say she go fail her exam patata”.
Na so she come think am well com plan, as di man call dey tell am say, if she gree follow am sleep five times say she go pass wella, the girl com say lia lia say make he fail am say she no fit open leg for am.
Di talk wey the man and the girl talk, all na im she record, she come put am for internet make people hear am. as e bi now all di school people don hear am and all obodo Naija don follow put mouth for di talk.