20 Jul 2017

Governor Ambode Don Reveal How Hin Wan Take End The Flood Wahala


Lagos State Governor, Akinwunmi Ambode don comot yan say the join-body wey be Integrated Waste Management Services contract don do collabo with Visionscape to take end flooding kasala for the state.

Ambode bin leak this one when hin bin dey talk for wetin Oyinbo dey call Sensitization workshop for Water Technology and Environmental Control Conference and Exhibition wey dem hold for inside Ikeja.

He make am clear say the main reason for this hin project na to make Lagos better and to make sure say the name and position wey Lagos don get go continue.

He no finish hin yan for there, he still talk say Lagos dey produce the highest rate of waste for the world and if them fit adopt wetin oyibo dey call Waste-to-wealth programme, e go help take care of the kwata-kwata wey we dey get for we environment and the Gross Domestic Product (GDP) go grow.

Leave a Reply

Your email address will not be published. Required fields are marked *

%d bloggers like this: