21 Sep 2017

Court Don Talk Am Say IPOB Na Terrorist Group

Court for obodo naija don kom agree with government say IPOB wey be the indigenous people of Biafra na terrorist organistion and say naything wey dem do nau go be illegal

Plenty people vex last week when the  military first announce say dem don classify IPOB as terrorist.

Even Senate President, Bukola Saraki, join many other Nigerians say army no get right to make  that kind decision, say make dem follow due process and carry the matter go court.

Na the  Acting Chief Judge of Federal High Court, Justice Abdu Kafarati, give the order after Justice Minister Abubakar Malami join with Solicitor-General Mr. Dayo Apata and some other lawyers from the ministry, carry the matter go court.

Tori  say President Muhammadu Buhari don already approve the order and now court don sanction and confirm am; say the thing wey remain now na for dem to write am put for inside government paper, say e no need make the order go National Assembly.


Leave a Reply

Your email address will not be published. Required fields are marked *

%d bloggers like this: