25 Sep 2017

Health Yarn: NAFDAC catch people wey dey thief spaghetti wey don spoil for dusbin.

Three guys – Kabiru Amar, Yusuf Ahmed and Mohammed Don dey police station because NAFDAC catch dem dey steal spaghetti wey don spoil for the dusbin wey dem dey throway things wey dem wan destroy.

Na the police wey dem put for NAFDAC catch dem korokoro yesterday dey pack cartons of spaghetti wey no good again, for the NAFDAC dusbin wey dey Okediya, Sagamu, Ogun state.

Mr Kingsley Ejiofor, wey bi director for investigation and Enforcement directorate, wey dey represent NAFDAC Oga, tell tori people say this 3 men na “Career Criminals” and say dem go deal with dem well well.

“dis people no dey fear o, despite say we dey dere, dem still get liver tu thief wetin we wan destroy. Na so people dey find money reach, dem wan go sell wetin don expire. We don catch dis one’s, dem no go escape.” Ejiofor later talk.

Over N300b worth of fake product na hin NAFDAC destroy, tu show say dem no dey shine teeth for anything wey bi fake.

Some of those things wey dem destroy na the company demself con drop am.

Hmm… People dey vex gan. Because of money

Leave a Reply

Your email address will not be published. Required fields are marked *

%d bloggers like this: